نفس الحنين

نفس الحنين في البعد والذكرى الجميله
مع صورتك كل يوم نفس الكلام
مقدرش أطمن روحي ولا أغمض في ليله
قبل أمّا أفكر فيك أنا لغاية ما أنام
والشوق بيبات يا حبيبي في حضني ساعات
وساعات لو زاد الشوق ما ينيمنيش
لا نهار ولا ليل ملكش في خيالي بديل
ولا من أيامك يوم مبيوحشنيش
ولا حاجه بنساها وعودنا اللي إحنا خذناها
حياتنا اللي إحنا عشناها عليها بعيش
في سكوتي في كلامي عايش في كل أيامي
عينيك في كل أحلامي مبتسبنيش

...

علشان أعيش جربت ولا مليون طريقه
وعرفت غيرك بس حبك صعب نسيانه
بكون معاه وفي بالي إنت والحقيقه
بغمض عينيا وأتخيلك مكانه
والشوق بيبات يا حبيبي في حضني ساعات
وساعات لو زاد الشوق ما ينيمنيش
لا نهار ولا ليل ملكش في خيالي بديل
ولا من أيامك يوم مبيوحشنيش
ولا حاجه بنساها وعودنا اللي إحنا خذناها
حياتنا اللي إحنا عشناها عليها بعيش
في سكوتي في كلامي عايش في كل أيامي
عينيك في كل أحلامي مبتسبنيش

التبليغ عن خطأ